邵初表演跳舞 將勤補拙 宋宛穎孭重飛 台慶做司儀

應屆港姐冠軍宋宛穎、亞軍梁凱晴、季軍邵初、「最上鏡小姐」楊培琳、王祖藍、游嘉欣等，昨日在荃灣出席無綫與仁濟醫院合辦的「愛心曲奇暖萬家」慈善義賣活動。口齒伶俐的宋宛穎透露將在台慶擔任司儀，首次做大騷，她坦言心情緊張，事前會加緊練習，熟讀稿件，希望不會有甩漏。至於做主持方面，最希望向汪明荃與鄭裕玲「偷師」。

邵初與梁凱晴在台慶表演跳舞，邵初笑說：「跳舞唔係我強項，人哋練一個鐘，我就要練兩個鐘，我唱歌好過跳舞，惟有靠努力搭夠。」而從小習舞的梁凱晴則稱到時會協助邵初練習。邵初又指近期因忙於慈善工作，未能參加歌唱比賽《聲生不息》，希望將來再有其他機會。

無綫首席創意官王祖藍客串12月出街的劇集《青春本我》飾演校監，他否認李亞男有份演出：「老婆唔青春喇，佢要湊女，依家搶緊隔離酒店，希望請兩個姐姐，等老婆抖吓。（老婆復出？ ）我不知幾想賣佢落火坑，我人生最渴望係食軟飯，之後佢都會上《思家大戰》，唔使佢成日喺屋企湊女。」

談到前無綫助理總經理余詠珊與老公何哲圖自組公司，為香港開電視製作選秀騷《我的青春》對撼無綫《聲夢傳奇2》，祖藍說：「娛樂圈百花齊放係好事，大家做好自己就好。」