冇被鍾培生KO 林作輸拳賽袋百萬興奮擒裕美

藝人裕美男友林作與鍾培生的「林鍾大戰」前晚舉行，面對學拳3年的鍾培生，林作在第1、2回合採用逃跑戰術，當埋身肉搏，他即攬實鍾培生不放，更被裁判警告。第3回合林作體力開始不繼，雖有擊中鍾培生，但多次被對方出拳打中。捱到最後第4回合，他打法消極兼腳步不穩，但鍾培生依然KO不到對方。鐘聲敲響後，鍾培生教練團隊走上台指罵林作，一班黑衫保安即衝上台，場面混亂，最後結果是40比34，大會宣布鍾培生以點數勝出。而冇被KO的林作心情High爆，在後台「生擒」女友裕美在地上，狂咀慶功。雖然女友在賽前捲入不雅片風波，但似乎無損他們恩愛。

鍾培生寸拖延時間

鍾培生表示賽果符合預期，又指林作不斷拖延時間及犯規攬人，未能KO對方感失望，但讚林作鬥志比想像好：「雖然佢係小人，最尾都有同佢握手同攬，佢有認真練過。」又稱不會再跟對方打拳，雙方的恩怨已解決。今日他會付100萬給林作，但會扣除對方買了3、4萬門票款項。而林作受訪時表示戰術100分成功：「佢打唔低我，4個回合我都生勾勾企喺度，最少畀我兩球（2百萬），佢欠我一球（1百萬）。」

另外，張致恒也有參加賽事，跟網紅大J對打。張致恒出場前，大會播放片段，他坦白說：「打之前我唔知佢係邊個，亦唔知佢做乜，我出場只係為咗出場費，但依家我想攞番尊嚴。」不過觀眾卻報以噓聲，2人激戰3個回合，張致恒被對方一拳打中跪低，結果大J勝出。