大個仔 婚唔怕結 陳家樂引爆男人味 操肌作「反」

陳家樂近年為了擺脫童顏，刻意操肌增加男人味，於無綫熱播劇《把關者們》中的見習督察角色亦見成熟表現。他表示拍此劇時自己正開始增磅，並笑說：「自己有啲拗頸心態，成日畀人話個樣同身形好似小朋友咁，仲着緊校服，好恨着啲男人啲嘅衫，嗰時跟教練做Gym，拍攝時身形都有啲改變，大隻同肥之間，當時仲未成功。」

家樂現時身形明顯比以前健碩，體重由68kg增加到75kg，他笑言：「我要增磅好難，減磅反而短時間做到！自己唔吸收，所以由細到大都係奀滋滋，食極唔肥，增磅要計住每日食幾多蛋白質、碳水化合物。」

決心求變的他認為無論自己或角色始終要面對成長，而做慣好人角色的他，更樂於嘗試演反派，又表示很喜歡梁朝偉於電影《尚氣與十環幫傳奇》中為太太而作出改變，覺得角色有血有肉。事實上，家樂客串電影《怒火》時，亦挑戰衰衰格格的角色，當中寸爆「下屬」甄子丹的一場戲令人耳目一新，家樂說：「其實冇得唔成長，我已經35歲，唔可以畀人感覺仲係25歲。」積極收身的他又會何時齊家呢？他說：「唔會好刻意諗，亦唔會唔諗，我覺得有機會結婚會欣然接受，但唔會強求。」

另外，日前與家樂拍拖到海灘玩直立板的歌手連詩雅，近日改與友人到水上樂園玩水，身穿長袖一件頭密實泳裝的她，玩滑梯時更凸顯一雙42吋逆天長腿，她留言：「有時就係要這樣放鬆一吓，找回我們的童真，感受一吓，其實快樂就是應該那麼簡單！」