大病一場潛力覺醒 譚嘉儀愛貓識握手 聽音樂揈頭

雪雪屬英國短毛貓品種，頭圓眼大，有張「八字面」兼四腳踏雪，如「白雪公主」般可愛。不過牠有小姐脾氣，拒絕表演「Catwalk」外，面對零食及撩貓神器亦一副「厭世臉」，令主人哭笑不得。

屬新手「貓奴」的嘉儀難忘帶雪雪返家不久，已經歷「生離死別」：「佢兩個幾月大嗰陣，因為天氣太凍有啲咳，醫生話佢患咗嚴重肺炎，成個肺仔花晒要留院，我驚到喊，擔心到人都瘦埋！」雪雪留院期間，她的心情猶如坐過山車：「最慘係只可以透過螢幕見吓，但佢用Pat Pat『得』住鏡頭，連樣都睇唔到。」最無助之際，她不停祈禱，結果奇迹出現，雪雪留院兩個月便逐漸康復，但返家後仍要暫瞓氧氣箱幫助呼吸。

大難不死必有後福，嘉儀發現雪雪病愈後超聰明：「佢知我幾時返屋企，會喺門口等我，又好快學識Sit同Hand Hand，仲好似狗咁鍾意玩拋波，聽歌又會搖頭、識睇電視，仲明白我講乜，會喵喵聲答我。」