黃智雯演妓市民勁like

剛奪「飛躍進步女藝員」的黃智雯日前為無綫新劇《好心作怪》拍外景，並要在人群圍觀下作誇張演繹，難得她演技收放自如，期間更吸引不少市民趁空檔衝前合照，人氣甚高。智雯透露劇中演風騷入骨的妓女：「其實我喺《潛行狙擊》演臥底時都有扮過妓女，但今次就全套劇都係演妓女，為咗更逼真，我去過夜總會做資料搜集，仲要投入舞小姐佢哋嘅夜生活！對演出好有幫助。」

剛在除夕前完成《好》劇拍攝的黃智雯，全身投入搵真銀，昨晚大除夕亦爭取機會與其他藝人做騷搵錢。入行5年的智雯坦言2012年是最豐收一年，自去年12月在馬來西亞Astro贏得「我的最愛最具潛質女藝員」及無綫台慶頒獎禮中贏得「飛躍進步女藝員」，她人氣急升，工作接踵而來，盤算全年「外快」收入已達6位數，可謂盆滿缽滿。