昔日東方鍾嘉欣4年後做人妻生夠3個
無綫花旦鍾嘉欣過去一年工作不斷，新一年希望於歌影視有更好表現。剛推出第4張唱碟的嘉欣，希望今年有機會可以開屬於自己的演唱會，她說：「依家已經儲咗40幾首歌，好渴望有呢一日，其實喺台上唱歌對我嚟講係一件好大膽嘅事。我記得入行最初嗰4年，我一直拍劇，都未試過有機會去登台。有一年去登台，啲人覺得好奇怪，點解我咁驚，因為我話我未試過，嗰次真係一路唱一路震！」
嘉欣笑言自己是工作狂，要趁年輕積極工作，她謂：「之後就會搵個伴嫁咗去。（幾時？）我本來都想順其自然，但我想生3個BB，依家28歲，32歲啦！（仲有4年好快過！）都係計劃嚟！我嘅思想每一年都轉變緊，依家嘅我同兩年前嘅我都改變咗好多，可能兩年後真係結婚都未定。」之前嘉欣曾揚言想買樓，但現在她最希望「買」健康和睡眠：「依家咁多奇怪病，今日唔知聽日事，我都希望父母身體健康、想爹哋退休，畀我哋養佢。佢成日話想做我司機，咁就成日見到我，叫我畀多兩年時間佢。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
