聯賽企穩喜出望外曾錦濤：想挑戰強隊

九龍城隊長曾錦濤今場在後防表現穩健，助球隊全取3分之餘，兼保持清白之身，賽後這位後防亦對個人表現感滿意。九龍城暫時已取得3場勝仗，成績令人喜出望外，「阿濤」表示接下來對球隊要求有所提高：「嚟緊目標係喺其中一個盃賽入到決賽，而聯賽就一步一步嚟，初頭諗住唔好排太後，依家希望穩守到中游，同埋睇吓可唔可以挑戰吓強隊，對佢哋偷吓雞。」

此外，現年35歲的「阿濤」憑季初出色表現，早前成功躋身港隊10月份友賽的51人初選名單，雖然最終未能打入決選，惟他亦相當開心：「當然入到決選嘅話更加好，但都係一種鼓勵，始終冇踢一年職業足球突然入選番，初頭都冇呢個期望同諗法，睇吓再踢得好啲，之後仲有冇機會。」