昔日東方揭幕戰旺角場爆發 東方 標準流浪爭響頭炮
2024至25年度「中銀人壽香港超級聯賽」今晚展開，揭幕戰由東方坐鎮旺角大球場迎戰標準流浪。東方今季陣容未有大變，默契愈見上乘下，自然希望旗開得勝，為新一季打響頭炮；而加入多名年輕球員的流浪，務求以活力炮製驚喜。（on.cc東網周五晚8時免費直播；港台電視31周五晚10時30分播映）
東方近季面對流浪往績佔優，但隊長梁振邦認為對手引入多名新血後，整體實力難以預測，絕不能掉以輕心：「流浪加咗咁多新兵之後，同上季比完全係兩隊波嚟，反而我哋陣容同踢法都冇大變動，佢哋可以參考往績做針對性部署，所以今場預咗唔易應付。」
葉鴻輝想第一場就交到貨
至於葉鴻輝坦言，球隊需時提升狀態，呼籲隊友遵從主教練盧比度（Chino）部署，奮力爭勝：「每季嘅第一場波都係硬仗，因為大家仲需要時間谷番起狀態，所以一定要謹慎啲，跟足Chino指示去踢，希望第一場就交到貨畀球迷睇。」
巴貝利對年輕化有期待
標準流浪今季人腳變動頗大，銳意年輕化，新任主教練巴貝利對球員充滿期待，有信心能夠搶分而回：「呢排全隊嘅狀態都好好，我哋目標係盡可能保持控球，創造更多進攻機會，只要大家能夠掌控場上節奏，踢出戰術，一定有得踢。」
今季升任隊長的劉智樂，喜見多名年輕球員加盟，冀拿下首勝，為新球季拉開完美序幕：「雖然今季多咗好多後生仔，不過大家喺季前練習賽，已經磨合得七七八八，活力同新鮮感都比以前更加高，希望第一場就贏波！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
