昔日東方駿英九龍城升超 下月公布組軍
足總昨晚舉行周年晚宴暨頒獎典禮，來季升上港超的駿英九龍城，亦有派代表出席領取獎盃。九龍城體育會常務副主席麥融斌強調升班經過全隊深思熟慮，至於組軍詳情會於7月中公布。
九龍城在剛季成為港甲冠軍，下季挑戰港超，「麥生」指決定絕非一時衝動，下月中會舉行記者會交代組軍和教練團詳情：「無論由升上甲組，成為港甲冠軍，到依家上頂級聯賽，都係我哋計劃咗好多年嘅事，絕對唔係倉卒決定，至於下季有咩教練同球員，7月中記者會再講。」
曾錦濤盼能「以老帶新」
作為九龍城隊內曾征戰頂級聯賽的球員，曾錦濤表示盼來季起到「以老帶新」作用：「老細想我哋帶住班後生仔一齊踢超聯，希望我可以好似『學曦』（林學曦）啱啱呢季喺香港U23咁，幫班年輕人成長得快啲。」相隔一季再戰港超，「阿濤」承認自己要時間提升狀態：「會畀心機加操，希望盡快提升體能，應付頂級聯賽嘅強度。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
