６位新援＋林樂勤鐘樂安 伍健：隊波已經齊腳

傑志將在8月7日坐鎮香港大球場對馬體會，惟由於這支本地勁旅季後不少球員已經離隊，會長伍健是日亦有提到「藍鳥」的組軍進度，除確認會由葡萄牙藉教練卡度素坐正外，又表示已簽入6名外援，以及兩位本地球員：「外援就一個龍，兩個防守球員，3個進攻球員，有啲外援仲喺度嘅，但可能淨番幾個月約。本地就簽咗林樂勤同鐘樂安，希望陳俊樂、顏卓彬、鄭展龍3個中場，真係要畀啲表現爭上位，當然都對羅梓駿有好大信心，唔計一、兩個球員出去試腳，隊波已經齊腳。」

伍健續指上述8名新加盟球員，在對馬體會的表演賽中皆可候命，惟其中一名外援，或因老婆產子需要返回西班牙，有機會缺陣。

除此之外，伍健又提到球隊會在7月中開始，啟程到泰國集訓，並與兩支泰甲和一支泰乙球隊進行「拍跳」，為新球季作好準備。