體育

首度亮相「車仔足校」活動 陳肇麒:盼長者享受足球

陳肇麒首次以技術總監身份出席「車仔足校」活動。 陳肇麒首次以技術總監身份出席「車仔足校」活動。
陳肇麒首次以技術總監身份出席「車仔足校」活動。
由仁足社主辦、香港賽馬會慈善信託基金捐助的「賽馬會樂在耆足計劃」,昨於藍田車路士足球場舉行閉幕禮暨嘉年華。車路士足球學校(香港)技術總監陳肇麒在活動後指,希望一班長者可以好好享受足球的樂趣,又透露兔年的個人目標。
今次「賽馬會樂在耆足計劃」閉幕禮暨嘉年華,邀請了不少球圈中人出席,包括山度士、陳肇麒、林樂勤等,藉此以實際行動向公眾推廣健康生活,帶動長者「樂在耆足」。一眾嘉賓及計劃成員更趁機匯聚一起,總結計劃成果,並體驗由長者學員設計的足球遊戲。
前香港足球先生陳肇麒,早前剛加盟車路士足球學校(香港)出任技術總監,今次為他首次隨「車仔」出席活動,他坦言教導長者與小朋友,感覺上有一定分別,但最希望一班「老人家」可以享受足球樂趣:「佢哋有上過堂,有基本足球知識,有啲之前一定係識踢波,唔差嘅,即使有啲女士可能無咁好,但最緊要肯去學,搵到足球嘅樂趣。當出嚟曬吓太陽都好,唔好成日留喺室內,始終疫情大家都困咗好耐,另外搵到一大班差唔多年紀嘅人一齊踢波,都係一件唔易嘅事。」
新年展望多與小朋友接觸
展望兔年,目前效力甲組東區的「陳7」,則希望可以幫助球隊在聯賽取得更好成績及名次,並期待參與「車仔」活動,與小朋友有更多接觸:「唔係話畀小朋友知錯咩,而係足球帶到啲咩快樂畀佢哋,職業足球員條路可以點樣行;以前屋村球場個個跟隊踢波,但依家球場無人,可能呢個年代多咗娛樂,但我覺得足球對小朋友成長有一定幫助,始終運動可以促進健康,又令佢哋識到好多朋友。」
圖、文:李浚湣
「肇麒」(右)與長者同場較技。「肇麒」(右)與長者同場較技。
「肇麒」(右)與長者同場較技。
山度士(左)山度士(左)
山度士(左)
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500