香港U23擺擂台硬撼標準流浪

香港U23上場聯賽於補時階段失守，惜負港會，但表現獲得球迷掌聲，主教練司徒文俊認為隊內小將可藉此吸取經驗。兩隊今季多番碰頭，「司徒Sir」表示彼此已十分熟路：「連埋熱身賽同表演賽，已經唔只兩次交手，但流浪進攻多咗簡古爾，我估已經做咗調整，希望可以應付到。」陣容方面，宋紘毅及何瀧浩已可以候命。

標準流浪上場4球大炒深水埗，打開聯賽勝利之門，技術顧問米路希望能令球員重拾信心。流浪今季曾在盃賽雙殺對手，但米路提醒球員萬勿鬆懈：「之前盃賽贏波唔代表啲咩，香港U23愈踢愈進步，加上佢哋為開齋一定搏晒命，今場唔會易踢。」早前因對港會作出兇暴行為，而被「秋後算帳」的林衍廷，是役刑滿復出。