昔日東方轉戰丙組即起孖 林學曦目標重返港超
今季港超聯球員經過一輪「洗牌」後，不少球員都要暫時到較低組別聯賽效力，亦令甲、乙、丙組聯賽再受關注。丙組球隊荃灣就一口氣羅致了林學曦及曾至孝等前港超兵，昨日聯賽開鑼戰以5比1擊敗離島旗開得勝。是役射入兩球的林學曦坦言，期望帶領球隊升班來證明自己「仲掂」，並在當打之年重返港超！
老牌球隊荃灣今季積極擴軍，首戰半場與離島打成1比1平手，下半場林學曦發威連入兩球，加上隊長黃子俊直接角球彎入，以及曾至孝臨完場「埋齋」，以5比1大勝對手。賽後「學曦」滿意表現：「要告別港超舞台當然有啲灰心，但現實就係咁。不過我始終得29歲，如果幫到球隊場場贏波，相信以呢個表現可以吸引注視重返港超聯，我覺得仲有機會！」
副主席邱木剛盼荃灣重拾光輝
對於「學曦」初戰表演，荃灣足球會副主席邱木剛表示滿意，及期望能夠升班：「其實『荃灣』曾經有段輝煌歷史，我自己係『荃灣人』，所以希望可以歷史重演！今季目標就係升班，雖然其他丙組對手都有擴軍行動，但我對球員投信心一票，最長遠希望終有一日可以升上港超，重拾昔日光輝。」司徒子文報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
