馮盈盈李芷晴領「峰」騷高海寧厭倦「胸」戰

女藝人在紅地氈爭妍鬥麗，令人期待的無綫兩位「咪神」高海寧及郭珮文卻玩封胸讓賽，令網民大跌眼鏡，幸好仍有大Deep V的馮盈盈補上，還有谷盡3吋事業線的李芷晴與「湯碗胸」廖慧儀鬥「胸」狠，成功搶Fo。

盈盈自稱是希臘女神造型，問她可擔心搶師妹風頭？她說：「唔會，師妹狀態大勇，都好搶眼同好靚。」至於李芷晴與陳楨怡結伴亮相，陳楨怡讚對方性感，大感羨慕，芷晴即笑說：「難得嘛！一年只有1、2次機會可以着呢啲性感晚裝，自己平時都保守，今晚盡情性感。（事前有冇Keep Fit？）之前同屋企人旅行反而食肥咗。（所以身材更澎湃？）唔知呢！」高海寧被指打扮密實被比下去，她無奈說：「點解全世界都咁講，我已經厭倦咗呢個鬥爭，總之開心靚靚出席就可以。（依家唔使靠身材？）唔係，因為師妹後生，佢哋有佢哋風格，我有我風格，着衫從簡就得。」