Lokman Tiger密謀奪愛

MIRROR成員楊樂文（Lokman）、邱傲然（Tiger）及女星徐㴓喬等，昨日出席新劇開鏡拜神儀式。提到隊友Edan公開承認追求馬來西亞女神林明禎，更因此觸發「脫粉潮」，要在網上發文向粉絲道歉，Lokman直言未有就此事慰問對方：「佢呢排應該比較煩，畀啲空間大家，各方面都要時間處理，呢件事對各方面、對佢同粉絲嚟講都係一件大事，要慢慢處理、接受，人生有太多呢啲事情，如果每件事都大反應就死得。」問到覺得2人是否合襯？他講笑指自己與明禎更相襯，Tiger則笑指自己與Edan合襯。