魏浚笙撐好友求愛：大家都係靚仔靚女！

藝人魏浚笙及陳凱詠昨日出席活動，二人受訪時，同被問到好友Edan公開承認正追求林明禎，魏浚笙先「哦」了一聲，之後才說：「啱啱為演唱會開完會，所以只係睇咗報道一下，佢咁講就咁講囉，畀啲空間佢。（有冇私訊叫佢加油？）完咗個活動先。（過幾招畀佢追女仔？）我都唔係好識，畀啲空間啦。」他隨即想拉開話題，不過記者卻繼續追問，問到覺得二人是否合襯？他說：「大家都係靚仔靚女。（會祝福Edan成功？）希望朋友開心！」