加開3場秒售罄 張敬軒個唱玩新嘢

一向深得廣告商歡迎的歌手張敬軒將於10月於澳門舉行演唱會，早前優先訂購及開賣時門票瞬間被秒殺，優先訂購當日更因大批歌迷湧入賣票網站，亦有炒家利用「搶飛程式」攻擊網站，搞到網絡癱瘓。主辦方見反應熱烈，即宣布加開3場，打破去年14場演出的紀錄，兩年合計軒仔於澳門舉行共29場演唱會。加場售票後，門票同樣火速售罄，軒仔十分感恩，表示：「真係好多謝大家嘅支持，加場係為咗買唔到飛嘅朋友仔，希望佢哋今次買到啦，到時我會演繹自己嘅作品，亦會演繹其他歌手嘅作品，加入一啲新嘅元素，希望每一次演出都令觀眾有新嘅體驗。」