江嘉敏瘦身成功 全因食飯盒？

同樣劇接劇的無綫小花江嘉敏，現時忙於為新劇《金式森林》拍攝，她早前為美容院拍廣告，被網民大讚顏值重回巔峰，對此她大表開心。而日前她為婚紗店拍靚相，穿上黑色低胸晚裝的她，騷胸又露美腿，她接受本報訪問時笑言：「係咪影到好似廣告相咁呢？」說到看來纖瘦不少，她坦言：「我係真係瘦咗嘅，因為都管住自己，唔可以食咁多，依家由佛山拍完劇返香港，我會做番Gym，同埋之前喺清遠拍劇，嗰度啲雞好出名，每次食飯盒都有雞，但唔知點解咁好彩，個個都雞胸、雞髀，我就次次都揀中盒雞腳雞頸，就算佢哋讓我揀先，結果都係一樣，所以喺內地我都食得唔多。」