上堂建立默契 MIRROR打戲分唔勻

由於Edan與Anson Lo身在日本拍攝英皇電影《盜月者》，昨日只有10子亮相，談及演怪盜，他們說：「度咗身，會造啲靚戲服。（有冇特殊技能？）怪盜少不免有拳腳功夫，我哋上緊演技班，建立吓默契。」問到誰較身手敏捷，Anson Kong（AK）笑說：「梗係拍《繩角》嗰幾個啦！」Stanley則指Lokman跆拳道出身，應該比較打得，又爆今次打戲不平均，有幾位成員打得比較多。至於姜濤表示不會飛往日本拍《盜月者》：「我客串咋！戲份唔多，香港開工，不過遲啲真係要去日本做其他工作。」

談到有航空公司的歌單只集中在Jer身上，而AK、Ian與Jeremy冇份，搞到歌迷投訴，Lokman解釋：「所有歌都畀晒航空公司，只不過要陸陸續續咁上架，做嘢要有程序。（你哋首英文歌幾時面世？）3月17號。（想打開國際市場？）想多啲人認識我哋啫！（除咗英文，係咪有其他語言嘅歌曲？）泰文有興趣，因為好有特色。」