佘詩曼屋企玩自拍 豪宅曝光

手持4個物業、市值合計近1.5億港元的藝人佘詩曼，最近回港陪伴患病的媽媽，兩人分別住西貢南山村相連獨立屋，平時出入她會傍實媽媽，不過晚上她會返回自己屋企享受Me Time，更經常在家中自拍，見她晒出家中客廳擺放不少鮮花，生氣勃勃，亦意外令2015年以約3,500萬購入的獨立屋曝光，屋內裝潢簡約奢華。早前她曾晒出客廳有超大電視及樓梯，複式設計，非常闊落，加上她不時會在玻璃樓梯間影靚相，今次見埋大廳另一角，真係睇相都知間屋大！