要聞港聞

政情:建新區域法院想財會再傾

有議員去信財委會主席,要求討論上月工務小組所通過嘅兩個工程項目。 有議員去信財委會主席,要求討論上月工務小組所通過嘅兩個工程項目。
有議員去信財委會主席,要求討論上月工務小組所通過嘅兩個工程項目。
擬推翻工務小組決定 仲有意見反映
為咗杜絕泛民主派拉布嘅情況重現,喺上屆立法會期,即10月中,財務委員會修改包括撥款在內等3項會議程序,即係經工務小組委員會通過嘅建議,上到去財委會毋須再討論就可以表決。點知喺新一屆立法會,首次有議員、仲要係建制派嘅議員,打算推翻工務小組嘅建議,要求財委會進一步討論兩項工程撥款,包括喺加路連山道興建區域法院大樓,以及喺粉嶺第48區公營房屋發展的工地平整及基礎設施工程。財委會主席陳健波就話個個議員都贊成撥款,政府又點會緊張?反映依家有雙重把關,係好啲嘅。
提出推翻工務小組建議嘅議員係陸頌雄、郭偉强同鄧家彪,佢哋日前去信陳健波,指工務小組喺4月27日表決通過嘅呢兩項議程,亦要求喺財委會進一步討論。理由係工務小組當日討論涉款58億元嘅加路連山道興建區域法院大樓議程時,唔少議員關注大樓本身嘅綠化設計、停車位安排等細節,尤其係日後嘅交通道路規劃同配套,會唔會因新增車輛流量而加劇鄰近道路嘅負荷,造成塞車等情況。至於涉款約11.45億元嘅粉嶺第48區公營房屋發展,則擔心交通規劃同社區設施不足。
3議員提出 要獲過半數支持始成事
點解要「阻」撥款?郭偉强話大工程就要討論多幾次,討論唔代表唔畀佢做,只係想大家多啲機會表達意見,爭取傾得細緻啲以及反映民情,希望盡量做好啲,唔係工務傾咗財務就唔使傾,畢竟財會涉及嘅範圍闊啲,人數又多啲。被問到有冇聲音反映新一屆議會嘅財委會審議效率極高,幾千萬甚至以億億聲嘅項目,只需幾分鐘就通過。佢就話大家搵緊平衡點,部分項目會傾多少少時間,但應該都唔會爭好遠。
對於有議員要求再討論,陳健波承認係新規則下首次出現呢個情況,笑言依家議程令佢感覺快得滯,指修改會議程序堵塞漏洞之後,財委會運作正常,若果制度予人事事都唔需要傾嘅印象,咁就唔係太好。而監察政府,乃立法會財委會其中一個重要功能,如所涉事項引起社會關注加上牽涉大額銀碼,同意要傾得詳細啲,不過討論時間亦都唔會太長。對於3位議員所提訴求,佢坦言並無作用,事關要得到過半數議員支持先至可以再討論。
若個個都贊成撥款 政府又點會緊張?
至於未來會否調整門檻,如放寬至只需3位議員提出,就可以再次討論?佢就話現行規則進可攻退可守,相信短時間內好難改返轉頭,姑且就睇吓大家嚟緊是否都有呢個訴求。佢又指撥款項目若個個議員都贊成,政府又點會緊張?喺工務答唔到嘅問題,應該喺財會再接受質問,重申兩個委員會把關始終係會好啲。
陳健波陳健波
陳健波
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500