要聞港聞

政情:涉扣料影響審訊 網民插李文浩失信

就「出賣手足」嘅指控,李文浩喺社交平台貼文反駁。 就「出賣手足」嘅指控,李文浩喺社交平台貼文反駁。
就「出賣手足」嘅指控,李文浩喺社交平台貼文反駁。
劉家衡夫婦着草 助理襲擊案入冊
已離港嘅深水埗前區議員劉家衡及李文浩,兩人去年初喺聯合辦事處門外張貼「藍絲與狗不得內進」字眼,引起部分市民不滿到場抗議,期間發生爭執。劉家衡同佢太太、前網絡紅人「搣時潘」(潘書韻)及劉嘅助理李譯喬因涉襲擊示威人士被控,後來劉家衡同太太「着草」,剩低李譯喬獨自面對官司,日前被判囚逾6個月。替李譯喬不值嘅社運人士認為事件係「出賣手足」,又炮轟李文浩隱瞞劉及太太離港一事涉及「扣料」,影響案件審訊。李文浩尋日就網民指控隔空反駁,更狠斥對方係「私怨上腦」!
事緣有網民喺Facebook貼文話,其實李文浩早知劉家衡同「搣時潘」準備「着草」,不過李文浩就向李譯喬解釋,指今次係「搣時潘」嘅事,無疑係「抵死」,亦同意對方「着草」係出賣手足,但與劉無關,因女方情緒唔好,劉都係陪對方離開,希望李譯喬體諒劉嘅處境,可以畀多次機會劉家衡,即使離港都應包容。該名網民又指李文浩曾承諾出庭,但最後食言更「扣料」,最終影響法庭判決,直接係將成件事「入晒佢(李譯喬)數」。
被指曾承諾出庭 最後冇影
就網民嘅指控,李文浩好快就越洋回應。佢話當初劉同太太決定「着草」,佢都係較其他人早一、兩日先至知,惟當時要保密。佢同意兩人並無處理好事件,唔多唔少都係有問題,況且粒聲唔出就遠走高飛,對案件嘅其他被告會帶來麻煩。之但係按依家嘅狀況,就更加覺得佢哋唔應該同任何人講。
李越洋反責有人「私怨上腦」
李文浩又承認,當初曾話過如有需要可上庭為李譯喬作證,但可惜審訊開始前發現被人跟蹤。又話即使批評佢懦弱、怕坐監都得,但強調佢當初真係想幫李譯喬。另外,佢又否認「扣料」一事,質疑所謂「關鍵」資料咁重要,點解辯方律師唔問佢索取?李文浩指摘有人「審完之後先開始吹」同埋「私怨上腦」,用前助理身份四處抹黑同舉報其他人。
劉家衡同太太早前粒聲唔出突然「着草」,被指拋棄同案議助。劉家衡同太太早前粒聲唔出突然「着草」,被指拋棄同案議助。
劉家衡同太太早前粒聲唔出突然「着草」,被指拋棄同案議助。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500