要聞港聞

政情:泛民鬼打鬼 建制隨時偷雞

是否有意競選主席職位,江鳳儀表示無可奉告。 是否有意競選主席職位,江鳳儀表示無可奉告。
是否有意競選主席職位,江鳳儀表示無可奉告。
爭坐屯門區會主席位
雖然區議員宣誓已告一段落,但早前經歷大規模辭職潮後,屯門區議會依然係民主派主導,建制派未能「翻盤」,而該區會先前補選陳樹英辭職而懸空嘅主席職位,就因人數不足而兩度流會,下周二(11月2日)會再開大會補選主席。據了解,現階段有3人有意爭奪主席之位,其中包括民主派嘅甄紹南同江鳳儀,以及建制嘅陳有海,有指泛民區議員因覬覦主席之位而存暗湧,暫時仲未傾掂數,如果唔齊心甚至爆內訌,建制嘅陳有海或可成功「偷雞」。
區議員宣誓結束後,屯門區議會剩11人,包括泛民7人,建制4人。睇牌面嘅話,泛民只要派出一個參選人,兼攞足票嘅話,屯門區議會主席一職應屬囊中物。
內部協調存分歧
只不過傳聞民主派喺內部協調區議會主席一職上有分歧,民協嘅甄紹南同前黨友江鳳儀均有意競逐,各自搵緊支持佢哋嘅議員,雙方維持拉鋸狀態。另外,建制陳有海亦有意加入戰團。
對於是否有意競選主席職位,江鳳儀表示無可奉告。雖然江鳳儀資歷較深,但消息指泛民議員唔太認同佢過往喺區議會嘅言行,反而偏向比較年輕嘅區議員做主席咁話。唔知最終甄、江可否協調成功?始終佢哋兩人都做過黨友,如果內部協調唔到,到時喺會議上「企硬」駁火,咁就唔係咁好睇啦,仲可能分分鐘畀陳有海坐收漁人之利添。
至於區議員梁灝文就話有民主派嘅同事聯絡過佢,但佢對於主席或副主席都無興趣。咁都有道理嘅,否則到時真係七國咁亂。
梁灝文話冇興趣
若果泛民最終協調成功,派出一人參選,主席張櫈仔相信佢哋係十拿九穩嘞。之不過,建制又會否好似之前咁集體缺席呢?有指建制今次唔會再缺席會議啦,事關要提名陳有海都要出席會議先至得,何況泛民到依家就邊個坐呢個位仍爭拗不斷,隨時可能有人倒戈,或者甩轆,變成建制當選都講唔定呀!
有消息指甄紹南有意角逐主席職位。有消息指甄紹南有意角逐主席職位。
有消息指甄紹南有意角逐主席職位。
陳有海或有機會坐收漁人之利。陳有海或有機會坐收漁人之利。
陳有海或有機會坐收漁人之利。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500