港會挑戰東方求創驚喜

港會上場聯賽擊敗大埔，終止「綠戰士」跨季23場聯賽不敗，兼收穫兩連勝，積施利（Jack）指全隊目前士氣高昂，期望繼續打出教練團部署，為東方製造麻煩：「對上兩場都贏波，令大家信心爆棚，希望可以Keep住咁好表現；教練團已經針對東方踢法，作相應部署，盡量令佢哋冇咁易埋門。」

另一邊廂，東方近期先後宣布高素巴耶夫及余在言離隊，令主教練盧比度（Chino）倍感頭痛，但強調絕不會放棄爭標。 談到今場對手，Chino稱港會進步明顯，不容小覷：「港會愈踢愈有隊型，尤其關歷克喺前線走動範圍大，費利皮爾令後防更加穩陣，唔可以睇小。」此外，Chino透露已簽下一名新中堅，但有待處理工作證，是役無法候命。