on.cc東網直播 均業北區易帥火併九龍城

均業北區上仗在易邊後打少一人下，最終連失3球，慘遭標準流浪逼和4比4，士氣難免受挫。不過球隊早前已找來前「最佳教練」陳志康出山接手，加上3名新兵艾利安、丹尼路，以及彭軍凡已完成註冊，是役表現令人期待，惟中堅基拿美要坐波監，致後防少了一個選擇。

至於上場梅開二度的中場肯迪，就認為球隊表現正在進步，對九龍城目標開齋：「我覺得同隊友喺場上配合得愈來愈好，希望之後嘅比賽，自己可以繼續交出入球、助攻。球季已經過咗三分之一，我哋急需攞到第一場勝利！」

九龍城於冬季轉會窗簽入前日本小國腳田中芳拓，以及南韓中堅姜浚賢，主教練陳銘剛期望新援的加入能為球隊帶來火花。九龍城目前於聯賽排名第5，穩佔中游位置，「剛Sir」透露為提升競爭力，目前正物色合適球員，預料中前場或會再添歐洲新援，亦會於次循環着力改善球隊防守能力：「除咗兩個日韓球員之外，我哋都搵咗個喺法國搵食嘅外援。首循環失球數字的確需要改善，我哋都針對呢方面調整，盡可能減低今場對手嘅威脅性，希望內外補強，提升整體實力。」

對手北區位列榜尾，中場許嘉樂表示絕對不會因此而有所鬆懈：「北區進攻能力絕對唔係講笑，我哋會爭取多啲機會喺早段入波，做好防守反擊，希望踢場好波畀球迷睇。」