黃洋退役：最唔捨得香港

現年40歲的黃洋，日前已透露會在今季後掛靴，縱使職業生涯最後一場聯賽，未能阻止傑志吞敗兼跌落第4位，但他仍感到十分坦然：「要經歷高高低低，咁先似人生，雖然我走呢刻球隊可能經歷緊低潮，但我相信傑志見慣風浪，下季會畀到驚喜大家。」

談到未來去向，他表示會暫時返回上海陪伴家人，稱將來有機會以教練身份回歸傑志，坦言對香港的一切感到依依不捨：「我第一次代表港隊就係喺旺角場踢，但以前只係專注比賽，直到呢幾年坐多咗後備席，先發現旺角場啲景好靚，而且我所有成就都喺香港攞到，好開心嚟到呢度之後，遇上咁多人畀機會我。」黃洋續道下季初會以另一個身份探訪球隊，正式跟球迷說再見，但詳情有待公布。