雙槍將黃皓雋決心闖天下

喜與盧比度故劍重逢

東方龍獅新季陣容年輕化，除提拔自家小將外，更積極羅致具潛質新秀。其中今季加盟的黃皓雋（Anson），近年嶄露頭角，為尋求更多上陣機會，Anson今季選擇加盟東方，與主教練盧比度再度合作，更令這位「雙槍將」決心迎接新挑戰：「自己踢港超嘅第3季，都想有啲表現，幫球隊攞到好成績。」

賽場上左右腳能力平均，是筆者對這位剛滿20歲年輕球員留下的第一印象，Anson透露接觸足球初期，已被父親要求加強對逆足的訓練：「我天生係用左腳，但爹哋就成日逼我練埋隻右腳，例如用左腳射10球，佢就要我再用右腳射多10次。」Anson回憶小時候在摩士公園與爸爸練波的日子：「嗰陣會覺得好麻煩好辛苦，但依家我都想多謝佢，當時肯幫我訓練。」

為進步每個階段自我檢討

2020年由南華轉投理文，首季踏上職業之路，Anson亦成功在「菁英盃」打出名堂，其中對天水圍飛馬一戰後備上陣貢獻一入球兩助攻，賽後首次獲得MOM（最佳球員獎），Anson形容該仗讓自己更有信心迎接挑戰：「嗰場後備入替攞咗MOM，先感覺自己有能力踢職業。」及後Anson更進一步，於上屆「亞協盃」分組賽取得入球，他表示過程中不斷自我檢討：「我喺每個階段，都會覺得自己有進步嘅空間，無論係邊個層面，我都會想盡量做好自己。」

早在效力傑志青年軍時，Anson已經接受過盧比度（Chino）的指導，如今加盟東方，除追求更多上陣機會外，他坦言與Chino合作亦是主因之一：「東方搵我嘅時候，盧比度同我講出對我嘅計劃，都感受到佢對我嘅信任。」他表示看到東方陣中年輕球員，近年在Chino教導下進步明顯：「Chino同佢哋合作帶來好嘅效果，我都想成為一分子。」

無懼壓力承擔更大責任

東方今季首場聯賽，Anson即擔任正選，可見球隊對其期望甚殷。已經不再是港超新丁的Anson，直言被重視雖有壓力，但亦準備好承擔更大責任：「作為進攻球員，我對自己都會有要求，一定會爭取入波同助攻，最重要幫到球隊贏波。」圖、文：林卓臻