笑看天下:茶餐廳自我趕客記
最近約了朋友到一間常去的茶樓一聚,誰知去到才知又停業了!呢間茶樓由大圍搬到荃灣,剛推廣不少午市優惠,例如乳鴿拼6隻豉油皇中蝦,收費不過200多元,之前單叫一客豉油皇中蝦亦要300多元,確實抵食,是以經常翻尋味,可惜不敵客源少,執咗!又如早上去開的一間茶餐廳,貪其沖的那杯奶茶夠香滑又夠熱,蛋牛三文治,那蛋牛混合炒得略焦香,用的麵包夠軟滑,竟然無聲無息又結業了!餐飲業難做,信焉!
行內人士指出,本港近半年市道欠佳,市民北上消費人數增加,令餐飲業生意寂靜。佢指出,近期每月約有300間食肆結業、100間開業,形容情況嚴峻,但相信喺一雞死、一雞鳴嘅情況下,大集團會揀選租金更平的地點再開業。佢都算客觀,冇話「執10間開16間」咁鬼離地!
正當飲食業大吹寒風之際,美團旗下食店搜尋平台發布港澳及海外共13個城市嘅「必吃榜」,共232間餐廳獲選為「好吃不貴體驗佳」,香港有39間上榜,是上榜量最多的境外城市。老朽粗略瀏覽有關食店,部分亦幫襯過,有些的確以食材新鮮取勝,有些不過不失,只係比一般食店做得認真些,咁就已經殺晒!香港有些食肆就是太不長進、太求其,譬如一客蛋牛治,可以蛋、牛分離,用的方包太硬;雞扒、牛扒、豬扒配料的粟米粒或茄汁豆,可以有「餿」味!又如揚州炒飯,用廉價火腿粒而不用叉燒粒,不倫不類,其實都令食客反胃!
老朽在上水見過一間做夜市的茶餐廳,每碟小菜如涼瓜牛仔骨要收148元,清炒時蔬收98元,更不可思議嘅係,用煲上另外加5元,也不知是何道理,一看如此莫名其妙的附加費,根本就係趕客!
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500