昔日東方政情：柯創盛教路 下年點樣攞長假期最好
打工仔梗係最着緊假期，事關可以周圍去旅行，可惜長假期唔係成日有，但原來好多人會自製長假，2023年已經過咗一半，已經有人計劃定下一年嘅自製長假期添！
請3日假放10日
政府公布咗2024年公眾假期，觀塘區區議會主席柯創盛就教大家點樣「自製」長假最精明。
聖誕假同新年假成日分開放，佢就話只要請12月27到29日嘅假，就可以享受橫跨2023年聖誕同2024年元旦嘅10日假期啦！同樣可以自製假期嘅係復活節加清明節，只要請4月2到3日同埋4月5日，都可以放10日自製假。
至於2024年嘅農曆新年同聖誕假嘅自製假都可以放9日！農曆新年只要請2月14至16日、聖誕只要請12月23至24、12月27日嘅假就可以啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
