政情：蕭偉強交友 最緊要啱傾

蕭偉強話朋友係咪啱傾，同相識年日唔一定成正比，同政見亦唔一定扯上關係。跟住佢就列出「啱傾」嘅要素，首先係要富幽默感，樂於自嘲而非自我吹噓；其次係樂於聆聽之餘，更懂得精準回應；再者，須以常識、常情、常理、本住平常心對話；當然，豁達、睿智就更好，就算做唔到妙語如珠，亦有神來之筆，總有可堪玩味嘅難忘金句。

倒轉頭講，若果為人極度敏感，即使一句事實陳述都會對號入座，處處設防；或者任何話題，講唔夠兩句就圍繞自己如何如何；更甚者係無區別打斷他人說話，然後滔滔不絕且言不及義；仲有對話時若非時刻check住手機，就係東張西望、轉移話題九唔搭八，同咁嘅人打交道就真係話不投機，味同嚼蠟啦。