政情：劏房安全隱憂 議員促局長關注

官員同議員探望兩個劏房戶。柯仔話對於劏房嘅安全問題，局方都十分緊張，建議室內嘅問題可以搵義工等幫手處理，而室外嘅問題就可以由法團負責跟進，政府可以喺中間提供協助，擔任雙方嘅橋樑。佢又話政府要盡快落實短、中、長期各項適切措施，長遠解決香港住屋問題，實現「告別劏房 」嘅重大目標。

鄧家彪就話其中一戶雖然租金唔貴，但需要行6層樓梯，廚房同廁所等都需要共用。佢形容單位居住環境惡劣，希望局方多啲了解劏房戶之餘，都多啲協助劏房戶，幫助劏房戶盡快上樓。