政情：新加坡相見 勞福局兩任政助合照留念

Jade早幾日喺社交平台上載照片，話適逢勞福局到訪新加坡，作為局長辦公室嘅「舊生」，當然要同勞福局嘅「家庭成員」合照留念，相中當然包括孫玉菡同傅曉琳喇！至於首次隨同局長外訪嘅Sammi亦喺社交平台上載相片，話9秒9喺酒店門口影咗幅相嚟留念。有網友問佢點解要咁急，佢回應話因為好忙。再有網友追問佢咁忙仲咁好狀態嘅？佢就話係訓練有素喎。

點解會喺當地遇到Jade？佢喺2013年11月出任勞福局長政助，2017年政府換屆時轉任民政事務局政助。政府之前安排一眾副局長同政治助理，宣誓擁護《基本法》同效忠特區，佢宣誓後約一個月因家庭理由突然請辭，話要跟隨新加坡籍丈夫到回流一齊照顧仔仔。