政情：備戰渣馬 陸瀚民倡跑手名額加碼

話說Benson尋日參加由建造業議會舉辦嘅跑步比賽，跑咗佢今年嘅首場賽事。其實喺同一日，天水圍亦舉辦另一個跑步賽事，但佢都選擇咗嚟呢個，佢話係因為希望可以支持吓業界嘅朋友喎。雖然公務繁忙久未出賽，加上少咗訓練，但Benson最後能夠順利完成10公里嘅賽事，仲話幾好跑喎。但成功無僥倖，佢話嚟緊都要加緊訓練，事關佢自己都報咗下個月舉行嘅「渣打馬拉松」。

講到「渣打馬拉松」，政府上個月都批准咗主辦方增加比賽名額，而近日香港都放寬咗唔少防疫限制。Benson覺得按依家嘅疫情走勢，香港有條件將參賽人加到7萬，但就強調呢啲要視乎主辦方可唔可以「轉身」，加到人手處理到大型嘅比賽。佢話假設可以增加比賽名額，希望政府盡量配合主辦方，例如封路。