政情：張美雄確診 無緣跨灣大橋開幕

向來十分關注將軍澳交通基建嘅張美雄，前日開始唔舒服，已經冇返議辦，病徵主要係發燒、喉嚨痛、肌肉痠痛。由於同事每日快測都正常，所以議辦如常運作；可惜嘅係無法親身見證跨灣大橋同將藍隧道開幕禮，以及缺席呢幾日嘅新將藍巴士試車活動。另一方面，佢發現喺網上討論區，有網民嘲笑佢指「橋面1.8公里並無任何補給、洗手間或急救站，希望當局能加裝設備」嘅意見係多餘。

幸好，有明白事理嘅網民幫佢留言平反，指大家係咪忘記該條橋有行人路呀。張美雄強調自己說話嘅意思，係希望橋面能增設緊急求助器、急救箱、心臟起搏器等，同埋依家成條海濱都唔夠洗手間，當然有其他補給設施，佢係無任歡迎咁話。