政情：林健鋒吳永嘉「孖頭」開地辦

林健鋒表示地區議辦將作為政、商、民溝通平台，希望能以工商帶動經濟，以專業改善民生，而隨着新嘅辦事處啟用，經民聯又再多一個渠道方便居民反映意見。佢又相信未來嘅地區服務會更加「到位」同「貼地」，努力做到「民有所呼、我有所應」。林喺致詞時亦提到，新政府上任4個月以來官員頻頻落區，希望司局長下次搵經民聯地區同事做「盲公竹」，全面了解地區行政，逐一回應市民訴求。

至於吳永嘉，就話會透過與不同地區組織合作，共建社區網絡，同時會利用專業及商界經驗團結地區力量，做好地區服務。而一眾黨友都有到場，包括前議員張華峰。另議員張欣宇、前議員梁志祥及元朗區議會主席沈豪傑亦有到場支持。