感慨生死有時 麥美娟：要使晒啲錢

麥美娟回憶起數年前，當時佢仲係議員身份，辦事處受到滋擾，曾經收過死亡恐嚇，對方更指明去到某個鐘數就要「攞佢條人命」。佢話報警之後，同事問佢跟住會點做？佢嘅答案就係「去食餐飯，仲要食餐好嘅，如果陣間就冇命，梗係食晒銀包入邊啲錢先啦！」，唔知佢哋食啲乜嘢可以食晒佢銀包啲錢呢？

麥美娟又認為如何看待死亡好重要，人應該珍惜當下，每一日都當係最後一日咁好好去過。佢表示母親喺佢16歲嗰時突然身故，瞓醒一覺就冇咗媽媽，所以佢對生死嘅感受好深，希望大家每一日都珍惜同屋企人相處嘅時間，無憾咁過每一日。