政情：闊別多時 鄭泳舜完成兩項鐵人賽

到底Vincent闊別鐵人賽有幾耐呢？佢話唔計舊年嘅渣馬，缺席鐵人賽起碼有3年多，原因係繁忙嘅議會工作以及疫情影響。不過近來喺熱愛運動嘅朋輩感染下，重拾游水、踩單車嘅練習，結果操練一個多月之後，就上陣參與尋日嘅鐵人賽事。Vincent形容今次賽事高手雲集，開始游水無幾耐就畀其他選手拋離，不過佢都按指定路線順利完成600米游水距離，然後上岸穿上跑鞋，沿麗海堤岸路跑到去深水灣燒烤場，來回折返共5公里之後，衝過終點完成賽事。

對於今次鐵人賽嘅成績，Vincent話感到滿意，仲期待下次參與三項鐵人賽添。佢話疫情籠罩下，舉辦賽事嘅單位已盡力做好防疫措施，如減少賽事嘅人數、要求選手提供比賽前48小時內進行嘅核酸檢測結果等。Vincent話樂見更多不同類型嘅體育活動或國際性賽事都能恢復舉辦，但前提就當然係疫情受控喇。