政情：立會彈出新山頭 「C15+」面世

議員劉智鵬就喺社交媒體上載「C15+」嘅合照，仲透露佢哋呢個朵嘅含意。C係代表佢哋辦公室都係喺中信大廈。名單得14人，但點解叫15？原來15唔係數錯數，而係佢哋14人中有12人都係喺15樓辦公，另外兩位喺13樓，所以跟大多數去改。

「+」號代表佢哋全部有心為香港出力、給力，有正能量嘅意思。劉仲話個「+」號有另一個意思，可能將來會有多啲議員加入。佢咁講都唔奇嘅，事關早前有4位議員「轉跑道」加入「熱廚房」，包括呢張名單帶頭嘅孫東，依家做咗創新科技及工業局局長，同埋同名單嘅林智遠做咗審計署署長，依家議會有4個空缺，將來要進行補選，到時或會再吸納多啲議員。