政情：陳月明：400年古樟樹打針吊命

打鼓嶺鄉事委員會主席、議員陳月明日前透過社交平台上載幾張相片，話鄉親喺專家指導下清除古樟樹周邊嘅雜草，目的係為古樟樹爭取多啲泥土滋養。至於發展局已經聯絡佢哋，話初步喺5月10日會聯同地政總署及樹木辦到場了解情況。陳月明又話，原來今個月上旬樹木辦曾到場視察，並為古樟樹打營養針，只不過並冇通知佢哋。陳又希望有關當局以積極行動去拯救古樟樹。