政情：段崇智續任中大校長 劉國勳翻舊帳

校董會主席梁乃鵬表示，感謝段教授多年來嘅領導同努力不懈嘅服務，相信大學喺段領導下，將致力推展高瞻遠矚嘅5年策略計劃。段則回應話，榮幸獲得校董會信任，並期待繼續同大學成員同心攜手，鞏固中大喺教學、研究及創新方面嘅優勢，貢獻香港、國家以及全球社會。

對於段崇智獲續任校長，劉國勳指喺反修例風波期間，段嘅立場唔夠堅定，以致中大被稱為「暴大」。其後段處理學生會、畢業禮期間撥亂反正，但始終社會心結未解。劉認為段續任應鞏固中大科研、學術優勢，落實新管治同國安教育，帶領中大走出「暴大」標籤，以重建社會信心。另外，麥美娟期望段崇智親口道出「中大不是暴大」以擺脫污名，同時應該推行真正嘅國情教育。