政情：麥美娟已痊愈 勸市民提高警覺

麥美娟提到，早前85歲嘅爸爸到家中，雖然當時爸爸並無任何不適及病徵，但麥仍然要求做快測，誰知發現染疫。麥與姪女即日起進行隔離，儘管只係與爸爸短暫接觸，但仍然中招，可見病毒傳染得相當厲害，呼籲市民小心處理，不要掉以輕心。

而在康復過程中，與大多市民一樣，無想過要政府幫，都係靠家人及朋友幫助，送啲必需品。而自己之前亦買定連花清瘟膠囊及必理痛，加上發病時身體發冷，所幸幾日前又買咗電氈，可以用作保暖。

麥美娟指自己現時仍然有啲咳，同埋覺得好攰。佢提醒大家，唔好以為快測結果一條線就覺得自己冇事，有時未必準確，市民應提高警覺，只要有病徵，就當自己已經中招，寧願過分緊張，盡快做好隔離，如戴定口罩，分開食飯等，以免誤以為自己冇中招，令病毒喺社區傳播開去。