政情：梁翊婷另起爐灶 白鴿黨：想點就點

民主黨（白鴿黨）副主席梁翊婷因以個人名義擅自撐黨外立法會選舉候選人，日前被革除黨籍。之不過，外界指佢仲諗住另起爐灶搞民生組織。該黨主席羅健熙尋日就笑言話梁嘅離開對黨無咩影響，佢將來嘅發展都係個人選擇，指「佢鍾意想點就點」，所以都無咩再討論嘅空間。而羅早前都講過梁事發後未有出席會議解釋同聆訊，亦唔尊重黨規。