昔日東方政情：立會大會歷史性首度視像舉行
疫情一發不可收拾，尋日更破紀錄逾千宗確診，而立法會亦不得不應變，下周三（16日）召開嘅立法會大會，可謂歷史性首度以Zoom視像會議遙距進行。下周三嘅大會將一連3日處理《施政報告》致謝議案，屆時90名議員再加3司13局嘅官員，逾百人參與會議。
2•16逾百議員官員參與
下周三起一連3日嘅大會辯論施政報告，立法會秘書處尋日去信全體議員，話辯論會分為4個環節，而下周三大會喺早上11時至晚上約7時，而之後兩日就喺朝早9時恢復會議。
立法會主席梁君彥亦唔會好似平日咁喺會議廳主持會議，而係改喺會議室2A，秘書處嘅相關職員，包括秘書就會同主席同場，其他議員同官員就採用Zoom參加會議。
雖然唔係喺會議廳開會，秘書處同時提醒議員參與遙距會議時必須使用指定彩色虛擬背景，亦須穿着商務衣飾，舉止要保持莊重。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
