政情：拉埋天窗 陳志全與「同伴」靠視像海外註冊

慢必喺2012年當選議員後，就公開自己係男同性戀者，屬於香港首位公開「出櫃」嘅議員，過去一直關注同性平權嘅議題。雖然喺香港同志婚姻仍未合法，不過亦無阻佢喺保釋期間同伴侶攜手步入人生新階段。人民力量前主席袁彌明尋日就喺Facebook貼文，話「亂世中有愛，送上無限祝福」，並上載慢必同伴侶身穿西裝、手執小捧花，以及兩人互相親吻嘅相片，場面好溫馨啊。原來兩人係喺香港透過視像方式，於美國猶他州作海外註冊結婚。

其實喺慢必還押期間，佢嘅伴侶多次被影到前往收押所探望慢必，今次都真係患難見真情啊。