昔日東方政情：「遠」走城門水塘話唔喺香港
近呢一年陸陸續續有政界人士移居海外，而佢哋通常要喺抵達彼邦之後，先至透過社交平台向外界交代自己身在異鄉。食物及衞生局前政治助理陳智遠，前日喺社交專頁上載一張風景相，同埋留言話「當大家睇到呢個post（貼文），我已經唔喺香港。」莫非移民潮之下，佢都選擇去外國開展新生活？
自己要解畫
其實陳智遠係同家人到城門水塘郊遊。按政府嘅區域劃分，城門水塘屬於新界，陳話自己唔喺香港，狹義而言並無講錯。而佢亦都有解釋，話自己喺新界、抄人橋，博君一粲咁啫。城門水塘向以景色優美著稱，尤其當水塘滿溢，同該處白千層樹所映照嘅風光，睇落都有幾分似去咗歐洲o架！
除咗城門水塘，陳智遠亦同家人到北區半日遊。其後佢好驚訝咁話，唔知依家啲小朋友喺邊度接受資訊，年僅六歲嘅囝囝竟然知道百年前九廣鐵路曾經有一條沙頭角支線，條支線仲有一個「孔嶺車站」仍然存在。而呢啲掌故，佢要去到30幾歲先至知囉。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
