政情：陳茂波拍二創MV 預告發放下期消費券

呢段片長接近3分鐘嘅《消費預告》模仿卡拉OK，一開頭就註明改詞係「容義用」，編曲係「伍千文」，至於MV嘅拍攝背景好明顯就係政府總部，幾位年輕男女職員似乎因為去到糧尾而苦惱，歌詞就提到「看看我手袋似是季尾model，何時換有jetso？」十分期盼10月1日嘅來臨，領取第二期消費券以實現期待已久嘅購物目標，而陳茂波就喺片尾登場，同MV裏面嘅男女職員一齊跳舞助興。

話說政府早前宣布向每名年滿18歲港人發放5,000港元電子消費券，首輪登記嘅市民喺8月1日領取第一期消費券、10月1日可領取第二期消費券。