銅鑼灣私家車闖行人路慢駛

有關短片於前日在網上流傳，片中見一輛深色私家車，在時代廣場對開的羅素街行人路上緩慢行駛，私家車旁均有市民與車身擦身而過，期間有人「怒睥」司機；片中有途人稱「即刻可以告佢呀！」「咁搞笑？」私家車其後左轉駛入波斯富街往利舞臺方向行駛。另一段影片則見涉事私家車在波斯富街近一巴士站被警員截停調查。

網民睇片後均指摘司機罔顧途人安危「危險駕駛，直接勾（鈎）車」、「呢d（啲）唔收左（咗）佢個牌，只會為害人間」、「目中無人目無法紀」，另有人問司機「Hi咗？」「係咪拍戲，定係入左（咗）第二個維度？」