有性趣：美國名妓恩客好猛料

以前嘅妓女好怕曝光，但隨住社會價值觀改變及社交平台興起，有唔少妓女主動喺網上分享趣聞，其中就有22歲美國名妓Mya Maxwell。現喺內華達州合法妓院Chicken Ranch工作嘅佢，不但經常喺IG及Twitter分享性感照，更會大談妓女生活，早前佢就爆出自己有唔少政界猛人及著名歌手恩客之餘，仲話佢哋去尋歡之所以從未被曝光，皆因妓院有特別安排，首先佢哋嚟光顧之前必定會預約，然後妓院便會安排呢啲「重要客人」經一個高度保安嘅獨立後門進入，並由保安員護送下進入房間，而房中早已有12至15名妓女等候對方挑選。Mya Maxwell又稱客人必需要沖乾淨涼，否則囡囡會拒絕服務，而服務內容細節則由兩人喺房內商討，若然客人有過分要求，佢哋便會請對方離開。