有性趣：翻版環奈正式引退

日本AV界有唔少女優同藝能界大明星撞樣，以人氣女星橋本環奈為例，就有好幾個「A貨」喺AV界活躍，當中最似樣嘅一位，非奏音花音莫屬！

現年23歲嘅花音喺2019年出道，憑住同環奈相似嘅精靈童顏，同埋敢玩敢做嘅風格，備受AV迷支持，仲有唔少AV廠爭相邀約合作，但因為操勞過度，搞到身體欠佳，被迫休息一段日子，去到2023年先至復出，兼搵到AV廠無垢提供專屬合約。好可惜，阿妹喺正式復出約半年，又傳出壞消息，就係今個月會同事務所結束合作關係，並從AV界完全引退！點解走得咁突然，花音冇透露原因，只係向身邊嘅工作人員同粉絲表示謝意，仲話未來會有其他發展，留待日後再同大家宣布喎！