有性趣：按尺澤穴 補腎又補肺

尺澤穴被認為係開胸暢氣之良穴，特別係經常會覺得胸中鬱悶、呼吸唔太順暢，都可以按此穴以助緩解。位於肘橫紋中，肱二頭肌腱橈側凹陷處，將手掌向上稍微屈曲比較容易搵到穴位所在，主治咳嗽、氣喘、咯血、胸部煩滿、咽喉腫痛、肘臂攣痛等。方法就係用手指輕輕按摩尺澤穴，每次左右手各按1至3分鐘便可。

從中醫角度上睇，尺澤穴雖然屬於肺經嘅合穴，而肺經即屬金，按照五行嘅相生關係，金生水，而腎臟正好就屬水，所以肺氣充足就可以連帶腎氣亦可以補充埋，亦因為咁適量地按揉尺澤穴，就可以將肺經多餘嘅能量補到去腎經，以收強壯腎氣嘅效果喇。